無諗過性病同我有關

我未曾諗過自己會同性病有關係。我失戀之後，單身嘅生活有時令我感到有啲難適應。為咗克服寂寞嘅感覺，我開始玩交友app，希望可以認識新朋友。

喺呢個交友app度，我同好多人傾計。大部分發生性關係嘅對象都有用安全套，但係都有啲人唔用。例如，有一個我同佢相識咗一段時間，覺得可以信任嘅人，佢就係其中一個例外。不過呢種情況並唔多見，都係一兩個

如果我個次無用用安全套，我會食緊急避孕藥同埋驗孕，至少可以減低風險。不過，有一次我發現自己嘅下體感到唔舒服，有啲痕癢同埋分泌物有奇怪。我開始擔心，唔知係唔係染咗性病。一開始我以為普通念珠菌，買啲塞藥試下睇下會唔會好轉。但頭一兩日有，但之後又會再嚟，搞咗2星期，我頂唔順上網搵人問，最後去咗一個非政府組織尋求協助。

個同事叫我去政府社會衛生科到做檢查，而且係免費，真係完成唔知，早知一開始就去睇，因為自己買藥都用錢。同事都好好，順便幫我驗孕同留檢查同埋提供建議，叫我盡量用安全套。我最後都去咗社會衛生科，結果係我染上衣原體，完全係第一次聽。醫生見我好似唔識係咩嚟，都同我講咗好多關於性健康同保護措施嘅資訊，令我更加明白應該點樣保護自己同埋他人。醫生都話好彩衣原體係容易醫治，叫我唔洗太擔心，都提醒我嚟緊都要用安全套，唔好貪方面/好FEEL，因為性病未必有徵狀。

呢次嘅經歷令我省思好多，我意識到即使同一個人發生性行為，都唔可以完全放鬆警惕。保護自己係非常重要嘅，同時亦要顧及健康。