by paadmin

溝通及親密關係

溝通及親密關係
主頁 / 溝通及親密關係
教育資源
F&Q
He/She/they's story
01

我可以點搵男/女仔朋友?

你藉住參加多啲活動,例如興趣班、做義工,甚至上網都可以識到,增進自己社交圈子。當然面對面更好,因為可以學下同唔同性格既人相處磨合,又可以認識多啲自己性格,相處過程中,自自然就可以搵到同自己啱傾既朋友。

02

成日換另一半啱唔啱?

戀愛其實都係人生一種經歷,絕對唔需要用「對/錯」咁睇。反而可以諗下自己點解會分手,係為左搵新鮮感定係刷新最多男/女朋友紀錄?抑或其實認真相處後,發覺生活方式或性格等等都唔夾?
如果認真考慮過分手原因,最重要係清楚同對方表達,照顧好自己情緒,再反思分手原因,希望下段戀愛可以更幸福。

03

點解拍拖會影響學業?

其實拍拖唔一定會影響學業,最緊要學識分配時間,平衡愛情同學業。兩個人可以一齊學習同溫習,互相鼓勵及成就大家,對學業同感情都可以得到昇華。
有時太投入一段感情,將所有時間同精力放左係對方身上,忽略咗生活其他方面,例如自己感受同人際關係,亦唔係一段健康嘅關係。如果你觀察到或者有人提醒學習表現下降,可以反思下同伴侶相處嘅時間同活動,會唔會有需要調節啦。

04

係咪個樣唔夠好睇就冇拖拍?

雖然話靚樣第一眼一定好吸引人,但係最緊要都係睇內在既。如果比你選擇,好靚但脾氣唔好,好小事就發脾氣或冷戰,你都未必想同對方長久發展,單憑外表冇辦法可以維持一段健康既戀愛關係。最重要建立自信健康既生活態度,對自己/人哋尊重同負責,先可以吸引人地同你發展長遠又健康既戀愛關係。

05

如果有同性朋友者同我表白,點算好?

如果有人愛自己,代表有人欣賞自己,都係一件開心既事,無需要因對方係同性而煩惱。無論咩性別對你表白,你需要思考清楚自己對方既感覺,考慮接受與否。若選擇拒絕,就向對方講清自己感受及決定,唔好拖延太耐,表達方式亦唔對對方作出人身攻擊。

Coming soon

準備中