我叫Cindy，今年19歲，男朋友22歲，我哋拍咗拖半年，今次係我第一次拍拖。最近男朋友成日講想我食避孕丸，而且不斷想同我發生性行為。呢幾個月期間，我哋都有互相摸吓大家下體同埋有啲「邊緣性行為」，互相摩擦下體等等，有一次仲插咗入陰道少少。不過我好驚有BB，所以唔俾佢再入。
自此之後，次次親熱佢都要求我食避孕丸，但我好猶豫，我唔知道係咪安全，而且我之前未發生過性行為，所以唔知點算好。
我有同佢表達過「我好驚有BB，而且未試過性行為，仲係處女。」但佢個回應就係，「我唔會想生小朋友，亦唔會結婚，只會想同居，所以有咗我都唔會結婚同生。」
佢咁講，我都唔知可以點回應…