Send私密照俾伴侶，我抵死？

我同伴侶嘅關係一直都好好，互相信任同埋依賴。我哋間中都會互send啲私密照，因為覺得都好平常，而且我哋又真係互相信任對方。

當時，我真係冇諗過佢會將呢啲照片share俾佢朋友，佢都應該無諗過佢朋友會再send俾人，我以為只有我同佢兩個人會知道呢啲私密嘅事，但我錯咗。當我發現呢啲照片流出去嘅時候，我嘅世界好似塌咗一般，我感到非常震驚同亂。我唔明白點解佢會做咁嘅事，同埋點解呢啲照片會傳到咁多人手中。我覺得好慚愧同埋難堪，而且我亦都好擔心其他人點睇我同評價我。

不過，最令我傷心嘅唔係咁多人睇到我嘅私密照片，而係我受到嘅批評同埋指責。有朋友話我蠢同傻我，預咗等等。我知佢哋想鬧醒我，但同時我都好唔開心同埋自卑。

有昤我問自己，係咪我太輕易相信人，同埋太過衝動。我覺得自己有好大嘅錯誤同埋後悔，但我唔敢報警。

我唔想報警嘅原因有好多。首先，我擔心報警會令事情更加嚴重同埋複雜化。我怕報警之後，呢個事會被放大同埋傳開去更多人嘅耳目。我唔想成為大家討論嘅話題，我想將呢件事儘量收埋喺自己心底。其次，我亦都擔心報警會帶來更多嘅壓力同埋負擔。我覺得自己已經承受咗好大嘅壓力同埋心理折磨，再加上處理警方同埋法律程序，有時新聞都會見到警方會內部傳閱，我擔心自己會無法應付。我唔想再增加自己嘅痛苦同埋負擔，所以我選擇忍耐同埋沉默。

我知道呢個決定可能唔係最好嘅，但係係呢個時候，我需要時間同埋空間去療傷同埋康復。我要時間去接受自己，盡量唔睇外界嘅評價同言，同時亦都學會更加慎重同埋謹慎嘅對待自己私密嘅事物。不過同時都令唔再輕易相信人，亦唔敢拍拖，好怕對方睇過啲相，佢會好難接受同嫌棄。

有時，我都覺得唔公平，點解係我受哂?流出嘅人可以冇人批評?完全冇責任? 點解你會覺得私密照當人情咁俾人，當花生俾人笑同睇。其實我都有佢私密照，我都可以send俾人睇，但我做唔出，因為唔想自己成為一個自己都討厭嘅人。
我唔知我幾耐先會recover到，亦知啲相永世都del唔走，但我都想俾人知道，你可能覺得我傻同蠢，但當初我係基於愛同信任先會同伴侶互send，呢啲唔係一段關係會有嘅嘢咩? 要怪要鬧就應該對流出嘅人講，而唔係受害者。